Komisioni Qendror i Zgjedhjeve (KQZ) do të mblidhet sot në orën 10:30 për të miratuar zyrtarisht dhënien e mandatit të kryebashkiakut për Vangjel Tavon në Himarë.
Ky vendim vjen pas humbjes së betejës nga opozita në Kolegjin Zgjedhor, i cili ka certifikuar rezultatin e zgjedhjeve të pjesshme të mbajtura më 4 gusht 2024.
KQZ do të shqyrtojë dhe miratojë projektvendimin për dhënien e mandatit të kryebashkiakut Tavos, i propozuar nga Partia Socialiste e Shqipërisë. Pas këtij hapi formal, Tavos do t’i hapet rruga për të bërë betimin në Këshillin Bashkiak dhe për të nisur zyrtarisht detyrën e tij si kryebashkiak i Himarës.
RELATED STORIES
Kolegji Zgjedhor dhe KAS kanë konfirmuar se zgjedhjet janë zhvilluar pa shkelje që do të ndikonte në rezultatet përfundimtare.