Mes replikave të shumta në mbledhjen e grupit parlamentar, ku disa deputetë, i kërkuar dorëheqjen nga posti i kryetarit të Partisë Demokratike, Basha i ka propozuar deputetëve dy rrugë por asnjë nuk e ka mbështetur.
Pas 4 orë mbledhje të luftuar në seli, Luli sapo ka shkuar në vilën e tij e ka pritur edhe një betejë më e madhe. Kunati dhe gruaja nuk ia kanë hapur derën dhe e kanë lënë gjithë natën përjashta. Këtë episod e ka treguar për portalin Timoni.al një ri nga banorët që jeton pranë vilave të Lulzim Bashës. Duke parë rezistencën e kunatit dhe të Aurelës, Luli ka zgjedhur që të flejë në një nga hotelet pranë selisë së PD.
Ka vazhduar deri pas mesnate mbledhja e djeshme e grupit parlamentar të Partisë Demokratike, ku për herë të parë në shumicë dërrmuese, të zgjedhurit i kanë kërkuar dorëheqjen Lulzim Bashës.
RELATED STORIES
Të parët që kërkuan që kreu i Partisë të mbante përgjegjësi për zgjedhjet e 6 Marsit ishin nënkryetarët Agron Gjekmarkaj dhe Grida Duma, madje e bënë këtë dhe publikisht jashtë dyerve të blinduara të Partisë Demokratike.
Kësaj thirrje nuk iu bashkuan dy nënkryetarët e tjerë, Enkelejd Alibeaj dhe Jorida Tabaku, të cilët në fakt kanë mbajtur një qëndrim ‘as mish, as peshk’.
Burime bëjnë me dije se Tabaku nuk ka qenë fare e pranishme në këtë mbledhje, ndërkohë që Alibeaj nuk ka mbajtur aq qëndrim pro Bashës dhe as kundër tij.
Një tjetër që nuk është shprehur është dhe krahu i djathtë i Bashës, Gazment Bardhi, i cili në një prononcim të shkurtër në hyrje të Kuvendit, tha se kjo do të duhet të ishte një kohë reflektimi për PD-në, dhe jo kohë për të bërë analiza.
Gjatë mbledhjes që vazhdoi për afro 4 orë, Basha sërish nuk ka marrë përgjegjësi për humbjen, duke i konsideruar zgjedhjet e 6 Marsit, si një kurth për partinë që drejton, mendim i cili iu mbështet dhe nga deputetët: Orjola Pampuri, Arbi Agalliu, Flamur Hoxha dhe Kreshnik Çollaku.