Kryeministri i Kosovës, Albin Kurti dhe presidenti i Serbisë, Aleksandër Vuçiç do të takohen sot në Ohër të Maqedonisë së Veriut në fazën e dytë të diskutimeve për planin franko-gjerman.
Mediat në Kosovë shkruajnë se ata do takohen fillimisht veç e veç me ndërmjetësuesit e bisedimeve; shefin e politikës së jashtme të BE-së, Josep Borrell dhe të dërguarin e posaçëm të BE-së për dialogun Kosovë-Serbi, Mirosllav Lajçak.
Pas këtyre bisedimeve do të pasojë takimi i përbashkët. Borrell tha një ditë më herët se ka pranuar komentet e palëve në lidhje me aneksin e zbatimit të propozimit të BE-së për normalizimin e marrëdhënieve.
RELATED STORIES
Në tryezën e diskutimeve gjendet aneksi i zbatimit të një propozimi të BE-së për normalizimin e marrëdhënieve Kosovë-Serbi, të cilin Kurti dhe Vuçiç e kanë pranuar gjatë një takimi në Bruksel, më 27 shkurt.