Shkroi: Soni Salihi
PSG mori vetëm një pikë ditën e djeshme nga barazimi që arriti në shtëpi ndaj skuadres së Rennes. Fakti interesant gjatë takimit është se Luis Enrique vendosi të zëvendësoj yllin e skuadrës së tij, Kylyan Mbappe në minutën e 64’. Për këtë gjë trajneri spanjoll u pyet edhe nga mediat në konferencën për shtyp që dha pas përfundimit të ndeshjes duke u shprehur se Mbappe do të largohet dhe ata duhet të mësohen të luajnë pa të.
“Është shumë e thjeshtë, herët a vonë, kur të ndodhë, ne duhet të mësohemi të luajmë pa Kylian”, tha Luis Enrique në konferencën për shtyp pas ndeshjes.
RELATED STORIES
“Kur dua që ai të luajë, do ta luaj, e njëjta gjë dhe kur nuk do dua”.
” Është një mesazh për të gjithë. Jam i kënaqur me qëndrimin e lojtarëve të mi. Por nëse dikush mendon se do të heq dorë prej tyre, nuk do ta bëj”.
PSG-ja, e cila ka një epërsi prej 11 pikësh ndaj Brest-it në Ligue 1, do të përballet me Monacon e vendit të tretë të premten përpara se të udhëtojë në “San Sebastian” për t’u përballur me Real Sociedad në ndeshjen e dytë të raundit të 1/16 të Ligës së Kampionëve më 5 mars, duke shkuar me një epërsi prej 2 golash nga ndeshja e parë.