Shërbimi Sekret ka filluar të forcojë sigurinë për ish-presidentin Donald Trump dhe planifikon të rrethojë kandidatin republikan me xham antiplumb në mitingjet e fushatës.
Një zyrtar i lartë i tha CNN se masat shtesë të sigurisë përfshijnë gjithashtu rritjen e numrit të agjentëve, megjithëse zyrtari nuk pranoi të jepte më shumë detaje.
Këto masa po merren pas atentatit të organizuar ndaj tij në tubimin muajin e kaluar në Butler, të Pensilvanisë.
RELATED STORIES
Një ekip agjentësh të përkushtuar do të jetë përgjegjës për lëvizjen dhe përgatitjen për çdo takim të fushatës për zgjedhjet presidenciale të nëntorit 2024.
Zyrtari i tha CNN se xhami mund të përdoret si në vende të mbyllura ashtu edhe në ato të jashtme në varësi të sigurisë në secilin vend.
Ish-presidenti amerikan u plagos lehtë pas një atentati të organizuar ndaj tij në fillim të korrikut, ndërsa si pasojë e tij mbeti i vdekur një person dhe 2 të lënduar.