Prokuroria e Posaçme kundër Korrupsionit dhe Krimit të Organizuar (SPAK) është në fazën përfundimtare të komunikimit të akuzave për 33 personat e arrestuar në atë që quhet dosja “Dumani”, një lëvizje e papritur që ka lidhje me këtë çështje, ka ndodhur në Elbasan. Sipas gazetarit Elton Qyno, i cili shkruan për “OraNews”, SPAK ka marrë vendimin për shpalljen e moskompetencën juridike për tre mjekët e arrestuar pas vizitës mjekësore që i bënë Nuredin Dumanit në ambientet e shtëpisë ku strehohej në Fier.
Julian Malaj me profesion mjek, Bledi Bërdalli me profesion mjek dhe Ermal Gjecin me profesion infermier pranë spitalit Rajonal Fier, tashmë do të hetohen nga Prokuroria e Fierit, pasi të tre akuzohen për “Moskallëzim Krimi” dhe “Veprime që pengojnë zbulimin e të vërtetës”. Gjatë fazës hetimore, tre mjekët kanë mohuar akuzat duke treguar se ata kishin shkuar vetëm një herë të vetme në ambientet e shtëpisë, duke mos pasur asnjë informacion mbi identitetin e personit që do mjekonin.
Bledi Bërdalli ka treguar se është kontaktuar nga Henrik Hoxhaj me të cilin ka pasur njohje, është marrë në telefon fhe i është kërkuar ndihmë për të mjekuar një person. Ndaj dhe Bërdalli ka kontaktuar një infermier dhe një kirurg për të parë plagën dhe vizitonin shokun e Henrik Hoxhaj.
RELATED STORIES
