Duke nisur nga sot deri në datën 17 dhjetor, do të pezullohet lundrimi i mjeteve të vogla dhe anijeve të peshkimit në Vlorë. Shkak për këtë është bërë moti i keq që ka përfshirë të gjithë vendin.
Ndërkohë, bëhet me dije se anijet e transportit ndërkombëtar detar vazhdojnë të operojnë normalisht.
Njoftimi i plotë:
Deri me datë 17 Dhjetor pezullohet lundrimi për mjetet e vogla dhe anijet e peshkimit në Vlorë. Shkak për këtë është bërë moti i keq që ka përfshirë vendin. Sa i përket anijeve të transportit ndërkombëtar detar, do të vazhdojnë të operojnë normalisht.
Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj gjatë datave 14-15-16-17 dhjetor 2022 duke filluar nga ora 12:00 date 14 dhjetor në drejtimin Jug-Jug-Lindje në forcën 5bft, 1.00-1.50m brenda gjirit të Vlorës dhe jashtë gjirit të Vlorës në forcën 6-7bft 15-20m/s dhe lartësi dallge nga 1.50 deri 2.00 metra.
- ESHTE NDALUAR DHËNIA E LEJE-NISJES E TË GJITHA MJETEVE TË VOGLA LUNDRUESE , ANIJEVE TË PESHKIMIT QË OPEROJNË JASHTË GJIRIT TË VLORËS DHE MARJEN E MASAVE PËR SIGURIMIN E TYRE.
- MJETET E VOGLA LUNDRUESE DHE ANIJET E PESHKIMIT QË OPEROJNË BRENDA GJIRIT TË VLORËS TË KENË NË KONSIDERATË KUSHTET E PARASHIKUARA TË PËRKEQËSUARA DHE MARJEN E MASAVE PËR SIGURIMIN E TYRE.
- Janë njoftuar të gjithë drejtuesit e anijeve të peshkimit dhe mjeteve të vogla lundruese për situatën e përkeqësuar dhe marrjen e masave për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 14-15-16-17 dhjetor 2022.
- Anijet e transportit ndërkombëtar detar vazhdojnë të operojnë normalisht.
- Përmisimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 17 dhjetor 2022 ora 16:00.