Fituesi i “Big Brother VIP”, Ilir Shaqiri, ishte ditën e sotme i ftuar në emisionin “Breaking” në Top News, ku u shpreh se ka nostalgji për shtëpinë më të famshme në Shqipëri.
I pyetur nëse ka mall për shtëpinë e BB VIP, Iliri tha se ka “një lloj melankolie”. “Emocione të mëdha. E dija që do ishte eksperience shumë gjigante dhe që njeriu do thotë lum unë e përjetova këtë eksperiencë. Një xhiro do ta bëja në shtëpi”, tha balerini i njohur.
Sipas Ilirit, në shtëpi ishte një shoqëri e sforcuar e detyrueshme, që do apo nuk do, duhet që të qëndrosh me ta.
“Nuk u futa në lojë, kam qenë gjithmonë. Aty ishte një shoqëri e forcuar, e detyrueshme, në një ambient që do apo nuk do, edhe me ato njerëz që nuk do kishe komunikim. Doli ajo që thosha gjithmonë, që Donaldi është djalë kreativ, por kishim pikëpamje të ndryshme. Nuk mendoja se do kisha komunikim me të jashtë”, tha balerini.
