I afërmi i 12-vjeçarit që u rrëmbye nga rrjedha e lumit Fan ditën e djeshme ka folur për mediat duke rrëfyer ankthin në të cilin po jetojnë prindërit e tij.
Për News24 ai u shpreh se fëmija ishte duke luajtur deri në orën 15:30 me të tjerë bashkëmoshatarë, por topi i ka rënë në ujë dhe djali ka shkuar për ta kërkuar.
Në tentativë për të kapur topin, i mituri ka rënë në ujë dhe e ka marrë me vete rrjedha.
“E kam djalin e mikut. Ai ka qenë duke luajtur që në 15:30 më fëmijët. Ka rënë topi në ujë dhe ka shkuar djali dhe ka rënë në lumë. Kemi nisur që në orën 17:00, kanë nisur fshatarët që të kërkojnë, por asgjë. Sot ka ardhur policia. I bëjmë thirrje shtetit që të gjejë djalin.
Po nuk u ngrit shteti, se dimë se si do bëhet, se terreni është i vështirë. Mobilizimi nisi që në mëngjes. Përndryshe e kemi të vështirë që ta gjejmë dhe ta çojmë te shtëpia. Ta dijë dhe nëna dhe baba e vetë, që e kanë trupin”, tha i afërmi i familjes së djalit të zhdukur.
RELATED STORIES
