Kryeministri Edi Rama ka folur në komisionin hetimor parlamentar për Inceneratorët edhe për vendimin e gjykatës për dënimin e biznesmenit italian Francesco Beccheti nga gjykata shqptare me 17 vite burg. Shkak ka qenë pyetja e deputetit Helidon Bushati se nëse çështja e inceneratorëve do të shkojë në gjykatën Arbitrazhit si ajo e biznesmenit italian.
Por Rama ka hedhur poshtë çdo mundësi që Beccheti të marrë para nga shteti nga vendimi i Gjykatës së Arbitrazhit.
Rama mbrojti vendimin e qeverisë për inceneratorët, duke theksuar se nuk fshihet pas kolegjialitetit.
RELATED STORIES
“Unë nuk jam nga ato që fshihem pas çdo lloj kolegjialiteti, i dalë për zot atyre që bëjnë dhe gabimeve. Unë nuk fshihem pas kolegjialitetit. I qëndroj si kryeministër i dal për zot të gjitha punëve të jashtëzakonshme që kam bërë me Sajmir Tahirin dhe ta them prapë sot. I vë gjoksin çdo akuze të ministri që ka bërë për të mirën e përbashkët, nëse ndokush ka punuar pas shpine atëherë përballet me drejtësinë. Nuk kam arsye që të mendoj se do të ketë një arbitrazh. Nuk ka 17 vendime përnjëherë, e nuk bëhen 17 procedura brenda ditës. Vijnë procedura të caktuara në një moment të caktuar të gjitha bashkë, por thjesht mblidhen dhe bëhet vendimi”, theksoi Rama.
Gjykata e Arbitrazhit Ndërkombëtar (ICSID) ka vendosur që Shqipëria t’i paguajë 110 milionë euro biznesmenit italian, Francesko Becchetti. Por kryeministri Rama ka hedhur poshtë një dënim të tillë duke u shprehur se gjyqi me biznesmenin italian vazhdon akoma në gjykatat ndërkombëtare.
Hetimet ndaj Becchetti-n u kryen nga Prokurorja e Tiranës, Elisabeta Imeraj.