Replika të shumta ka pasur me deputetëve në seancën e sotme në Kuvend, ku deputetët e opozitës vazhduan me aksionin e tyre duke hedhur karriget në mes të sallës dhe duke ndezuar flakadanë.
Ndërsa ende nuk kishte nisur seanca deputetët e të dy kampeve kanë replikuar me njëri tjetrin.
“Po ç’ledh komisionish hetimore”, ka thënë deputeti Fatmir Xhafaj, në lidhje me një nga kërkesat kryesore të opozitës.
Nga ana tjetër, ndërsa ishte live në Facebook, Luan Baçit i është kërkuar nga socialistët ta mbyllë celularin, por përgjigje ai ka thënë se i pëlqen profesioni i kameramanit.
Baçi ka replikuar dhe me deputeten Antoneta Dhima për të ardhurat dhe pasuritë e tyre.
Replikat në Kuvend
Luan Baçi: Me pëlqen profesioni i kameramanit!
Fatmir Xhafaj: Ushtroje si profesion….
(Tenton të marrë karrigen, deputetja Elda Hoti e pengon)
Elda Hoti: Jo, jo s’mund ta marrësh!
Deputeti i PD: Lejoni komisionet hetimore…
Fatmir Xhafaj: Po ç’lesh komisionesh hetimore…
Deputeti i PD: Fatmir edhe ti si shokët
Fatmir Xhafaj: S’mund të merrni karriget, çfarë bëni kështu!
Sali Berisha: Riktheni të drejtat kushtetuese! Je dhe jurist! Rikthe te drejtat Kushtetuese të opozitës!
Luan Baçi: Antoneta do rrini të gjithë në këmbë sot.
Antoneta Dhima: Po ta kishit për hallet e qytetarëve, ua bëja hallall.
Bledi Çuçi: Të gjithë do rrimë në këmbë, edhe Gjekmarkaj duhet të çohet në këmbë.
Eduard Shalsi: Mos qeshni, s’është për të qeshur! Ju kanë dhënë porosi, zbatoni porosinë.
Antoneta Dhima: Të votojmë për rritjen e rrogave dhe pensioneve të qytetareve.
Luan Baçi: Ti Neta rrite rrogën tende, jo të qytetarëve! Unë e votova kundër!
Antoneta Dhima: Ti ke biznese, unë një shtëpi në katin e 5-të kam.
Luan Baçi: Biznesin e kam ngritur me ndershmëri me paratë e mia.