Sekretari Amerikan i Shtetit, Anthony Blinken ka zhvilluar një takim me kryediplomatin e Bashkimit Europian, Josep Borrell me të cilin ka diskutuar mbi zhvillimet e fundit pas sulmit të Rusisë ndaj Ukrainës.
Blinken tha se e dënonin këtë veprim të pajustifikuar të Rusisë dhe se të gjithë partnerët ndërkombëtarë do merrnin masa të rrepta ndaj këtyre sulmeve të pajustifikuara.
Postimi i Plotë nga sekretari amerikan i Shtetit, Anthony Blinken:
Unë fola me @JosepBorrellF sot. Shtetet e Bashkuara dhe BE qëndrojnë së bashku për të dënuar fuqishëm sulmin e paramenduar, të paprovokuar dhe të pajustifikuar të Rusisë ndaj Ukrainës. Së bashku me partnerët në mbarë botën, ne do të imponojmë kosto të rënda për të kërkuar llogari nga Rusia.