Ka shkuar në dy numri i viktimave, pas shembjes së pjesshme të një hoteli gjatë natës në qytetin Kroev të Gjermanisë. Katër persona janë nxjerrë të gjallë nga rrënojat, mes tyre edhe një fëmijë 2-vjeçar. Të mbijetuarit kanë lëndime të lehta.
Një operacion i gjerë shpëtimi është duke u zhvilluar nga policia, zjarrfikësit dhe Shërbimi Federal i Asistencës Teknike, duke përfshirë më shumë se 250 persona dhe qen të trajnuar posaçërisht.
Autoritetet njoftuan se në hotel ndodheshin 14 persona kur ndodhi shembja e katit të sipërm rreth orës 23:00 të së martës, prej të cilëve pesë kanë mundur të largohen pa lëndime.
RELATED STORIES
Për arsye sigurie, janë evakuuar 31 persona që jetonin në ndërtesat përreth. Ende nuk është përcaktuar shkaku i shembjes së pjesshme të hotelit.
Kroev ndodhet rreth 100 kilometra në perëndim të Frankfurtit.