Presidentit të Federatës Shqiptare të Futbollit, Armando Dukës i është vendosur tritol në banesë një ditë më parë.
Lënda plasëse ishte vendosur në derën e jashtme të banesës private të Dukës, në lagjen nr. 4 të qytetit bregdetar. Nga shpërthimi ka vetëm dëme materiale në pjesën e jashtme të derës.
Vetë Duka mësohet se nuk ka qenë në banesë në momentin e ngjarjes sepse ka qenë i pranishëm në derbin Tirana-Dinamo.
Armand Duka është në një konflikt të hapur me bashkinë e Tiranës në garën për t’u zgjedhur president i FSHF për herë të gjashtë.
Në një prononcim për emisionin “Opinion”, ai ka thënë se ishte një person me kapuç ai që i vendosi lëndën eksploziv. Sakaq, Duka publikoi dhe mesazhin kërcënues për jetën të ardhur në telefonin e tij pak ditë më parë, ku i kërkohej të jepte dorëheqjen nga kreu i FSHF ose do e vriste me armë.
Si e konsideroni ju këtë ngjarjen?
Duka: Këtë e e lidhin me konfliktin e federatës e kryetarin e Bashkisë, por unë uroj shumë mos ketë lidhje.
Ju keni marrë një kërcënim personal për jetën?
Duka: Po e kam marrë. Jo nuk e kam denoncuar. Por është pak me fjalë që… “Ti luan me dy standarde, ti kurvë luan me lekët tona për 24 orë jep dorëheqjen ose 60 plumba i ke në kokë o kurvë se betimi u bë i pakthyeshëm”. I ktheva një përgjigje që mjafton dhe me një por nuk shkonte. Bëra një hetim vet ishte një numër që është përdorur vetëm njëherë dhe është karikuar në një dyqan këtu në Durrës. Ka një emër dhe ka 1000 mijë numra. E kisha harruar këtë se kam pasur ngjarje. Emri i tij ishte Sabian Rrapushi. Në polici nuk e kam denoncua se nuk kisha ndonjë shpresë se policia do bëj ndonjë gjë. Dhe tani këto 30 polica nuk do bëjnë ndonjë gjë, autori bredh me kalë.