TIRANË– Gazetarja Aranita Brahaj me një postim në mediat sociale ka adresuar një njoftim publik të Avokatit të Popullit të bërë rreth një vit më parë. Në njoftim përmendeshin pesë organizatat të cilat morën më shumë vota, të cilat do të kryenin verifikimin paraprak të kandidaturave për anëtarin që përfaqëson Shoqërinë Civile në Këshillin e Lartë Gjyqësor dhe Këshillin e Lartë të Prokurorisë.
Ndër pesë organizatat, listohej edhe Klinika Ligjore “Wisdom”, e cila së fundmi u përfshi në një skandal me shitjen e diplomave dhe certifikatave fallso nga Tirana për shtetas të Italisë. Në krye të skemës së mashtrimit qëndronin dy administratorët e Kolegjit Universitar Wisdom në Tiranë, çifti i bashkëshortëve Savino Cianci dhe gruaja e tij Lucia Catalano.
Brahaj thotë se “WISDOM” zgjedh anëtarët e institucioneve të Drejtësisë, ndërsa autoritetet italiane tregojnë “lajkat luksoze” të WISDOM për të mbajtur licensa duke korruptuar gratë e Qeverisë me çanta brandi e dhurata.
“Skandali paska qenë më i thellë. Përfaqësuesi i Institucionit Kërkimor paska votuar edhe mbi kandidatët potencial për Institucione të Larta të Drejtësisë KLGJ dhe KLP.” shprehet Brahaj.
Në artikullin e mediave të vendit fqinj thuhet se dokumentet e prokurorisë italiane gjithashtu dëshmojnë se universiteti Wisdom printonte diplomat false, përkundrejt pagesave që varionin nga 6 mijë deri në 20 mijë euro, në varësi të degës së specializimit. Më tej bëhet me dije se në përfundim të procesit janë konstatuar shkelje ligjore, gjatë ushtrimit të veprimtarisë akademike, administrative dhe financiare të Kolegjit Universitar WISDOM për periudhën e ushtrimit të kontrollit.
https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid0aQhtETVpXVrKpgJHbGkCe6q8cxngThXdEtnEjtX24J5F39kB7p9vFidybDZ5sjVGl%26id%3D1268208787&show_text=true&width=500