Tre persona kanë humbur jetën si pasojë e një sulmi me armë që ndodhi në Pensilvani të SHBA-së gjatë kësaj shtune.
“Ne po hetojmë një vrasje që ndodhi në qytezë këtë mëngjes. Tre persona u vranë në dy rezidenca të ndryshme”, deklaroi për CNN kryetari i bordit të mbikëqyrësve të qytetit, Jeff Dence.
Policia ka identifikuar autorin e ngjarjes së rëndë, ai është 26-vjeçari Andre Gordon.
RELATED STORIES
Pas të shtënave fatale, i dyshuari grabiti një qytetar në një zonë tjetër, duke i marrë makinën.
Besohet se Gordon i njihte të gjitha viktimat (përveç viktimës së grabitjes së makinave). Gordon besohet të jetë aktualisht i pastrehë dhe ka lidhje me zonën e Trenton, Neë Jersey”, tha policia e qytetit në një deklaratë.
Autoritetet kanë njoftuar se i riu mbetet ende në arrati dhe rrezikshmëria është e lartë.
“Autori është i armatosur dhe i rrezikshëm, dhe vendndodhja e tij nuk dihet.
Ne po hetojmë me ndihmën e zyrës së prokurorit të qarkut dhe FBI. Ai është i dobët, mban të veshur xhup të errët me kapuç.
Ndër të tjera mban më vete një pushkë, por mendohet se ka armë tjetër me vete“, deklaruan ata.