I dërguari i posaçëm i SHBA për Ballkanin Perëndimor, Gabriel Escobar ka thënë se ia ka bërë të qartë kërkesën e tij kryeministrit të Kosovës, Albin Kurti, që të punohet drejt implementimin të marrëveshjes për Asociacionin e Komunave me Shumicë Serbe.
Teksa ka folur për mediat, ai është shprehur se gjatë takimit me Kurtin ka thënë se pret angazhim konkret në një të ardhme të afërt mbi këtë çështje.
“Unë e bëra të qartë edhe pritjen time që të fillojmë të flasim për implementimin e Asociacionit të Komunave me Shumicë Serbe. E bëra shumë të qartë, prandaj shpresoj që do të shohim angazhim gjatë kësaj krize në një të ardhme të afërt”, ka deklaruar Escobar.
RELATED STORIES
Ai ka thënë se me Kurtin ka diskutuar edhe për nevojën që secili ta mbajë qetësinë në kohë tensionesh dhe të vazhdohet dialogu. “Diskutuam për nevojën që çdonjëri të jetë i qetë, për nevojën që të vazhdohet dialogu, për nevojën që të fokusohemi te dialogu i lehtësuar nga BE.”
Gjithashtu, i dërguari i SHBA Gabriel Escobar ka thënë se kryeministrit Albin Kurti ia ka shprehur mbështetjen e tij që të lëvizë drejt propozimit franko-gjerman.