Presidentja e Kosovës, Vjosa Osmani ka qenë pjesë e samitit të Komunitetit Politik Europian në Moldavi ku ka takuar me presidentin francez, Emmanuel Macron dhe kancelarin Olaf Scholz.
Për mes një postimi në llogarinë e saj në Facebook, Osmani shkruan se ka diskutuar për ngjarjet e fundit në veri të Kosovës.
“Në këtë kohë përcaktuese për sigurinë në rajon e Evropë, bashkëpunimi me partnerët tanë është kyç. Së bashku me Presidentin Emmanuel Macron dhe Kancelarin Olaf Scholz, si dhe me përfaqësuesin e lartë për politikë të jashtme të BE-së, Josep Borrell, diskutuam zhvillimet e fundit në Kosovë dhe angazhimin e përbashkët për paqe, siguri dhe stabilitet”, shkruan Osmani.
RELATED STORIES
Tre liderët europian janë takuar edhe me presidentin serb Aleksandar Vuçiç ku kanë diskutuar rreth tensioneve të zhvilluara ditët e fundit në veri të Kosovës.