Kreu i partisë së Lirisë, Ilir Meta, në një komunikim për mediet tha se takimi me presidentin Bajram Begaj ishte pozitiv dhe se diskutuan për zgjedhjet e ardhshme vendore.
I pyetur se si u ndje kur u rikthye ne zyrën ku ka qëndruar vetë si president, Meta u shpreh se u çmall me fotografinë e Isa Boletinit, për të cilën tha se ia kishte marrë Gramoz Ruçit në kohën kur ata bashkëpunonin.
Meta: Ishte një kënaqësi që të takohesha me presidentin e Republikës, me kërkesën e tij për të diskutuar lidhur me zgjedhjet e ardhshme vendore.Për zgjedhjet vendore jam i sigurtë se, qëndrimi im ka qenë i qartë sa më parë të shpallet kjo datë dhe besoj se kështu do të ndodhë. E rëndësishme është që data të dihet sa më parë dhe KQZ të ndërmmarë të gjitha veprimet e saj për të përgatitur zgjedhjet. Për mua çdo datë është e pranueshme. E papranueshme është që prej 4 vtesh kemi një pushtet vendor ilegjitim, mjafton të shokoni teatrin etj, për mua tani të bëhen zgjedhjet.
RELATED STORIES
Pyetje: Çfarë folët me Berishën?
Meta: Me Berishën kemi folur edhe për zgjedhjet edhe për protestat, kemi folur për fuqizimin e demokracisë.
Pyetje: Si u ndjetë kur u kthyet në zyrën që keni qëndruar vetë si President?
Meta: U cmalla me Isa Boletinin, ia kam marrë zotit Ruci në momentet e pakta të bashkëpunimt. Më risolli kujtime të bukura dhe më dha emocione të forta.