Detektivët e Drejtorisë Kundër Drogës dhe DEA-s i dhanë një goditje të rëndë mafiozëve italianë dhe shqiptarë të drogës , duke sekuestruar afro tre tonë kokainë me vlerë mbi 133 milionë dollarë në Europë .
Në Lima, Peru ra në pranga italiani Pascuale Bifulco ‘Spagueti’, i kërkuar në disa vende dhe shqiptari Kadri Gkoci ‘Gianmarco’. Me ta u arrestuan pesë peruan dhe në Gjermani një turko-gjerman.
Po hetohet nëse kanë përdorur ndonjë mënyrë tjetër dërgimi të mallit jashtë vendit, si kontejnerët ‘shtatzënë’ pa e vënë re pronarët. Ky ishte modaliteti i përdorur nga mafia e ‘Caracol’-it të frikshëm për të lëvizur kokainën në Shtetet e Bashkuara ose Evropë.
Operacioni i DEA-s dhe Dinandro-s është kryer njëkohësisht me Gjermaninë, ku ka rënë një shtetas turko-gjerman, i cili do të ishte përgjegjës për marrjen e mallit
MAFIA
Tregu i kokainës dhe metamfetaminës dihet se ka parë një rritje të madhe në Evropë, e nxitur nga nivelet rekord të trafikut, sipas një studimi të publikuar të premten nga agjencitë evropiane.
Sipas Interpolit dhe Qendrës Evropiane të Monitorimit për Drogën dhe Varësitë (Emcdda), sasi të paprecedentë kokaine u kapën në vitin 2020 dhe Evropa “përballet me një kërcënim në rritje nga një treg më i larmishëm dhe dinamik i drogës”.
Për sa i përket kokainës, hetimet tregojnë se një pjesë e rëndësishme vazhdon të prodhohet në Kolumbi, Bolivi dhe Peru, por që rrjetet diversifikojnë përdorimin e porteve në kontinentin amerikan dhe Afrikën e Veriut në përpjekjet e tyre për të çuar drogën në Evropë.
Më shumë se 214 ton kokainë u kapën në Evropë në vitin 2020, 6% më shumë se një vit më parë.
