Është zbardhur ditën e sotme dëshmia e 26-vjeçarit Markelian Beqirit.
Kujtojmë se i riu ishte arrestuar për plagosjen e Arni Sulejmanit në dhomën e një hoteli në autostradën Tiranë-Durrës.
Ndër të tjera mësohet se sipas News24, Beqiri ka thënë në polici se me të plagosurin ishin shokë. Ai ka deklaruar gjithashtu se ditën e ngjarjes, sëbashku me 22-vjeçarin Sulejmani dhe një mikeshë të tyre, qëndronin në hotel dhe kanë konsumuar alkool dhe lëndë narkotike.
Beqiri shprehet se në momentin që ka qëlluar me armë, ai ka qenë i pavetëdijshëm. Në momentin që ndodhi plagosja, ata kanë qenë në krah të njëri-tjetrit.
Pas plagosjes, Beqiri shprehet se është larguar nga frika se çfarë do të ndodhte më pas.
“Nuk kam dashur ta vras Arni Sulejmanin. Unë e kam shok atë. Me 9 dhjetor kemi qenë me një mikeshën tonë në hotel ku konsumuam shumë alkool dhe lëndë narkotike. Isha i pavetedijshem kur arma qëlloi dhe e plagosi ne krah Arnin. Pas ngjarjes u largova nga frika. Sot isha nisur për te ikur ne Dajt për qejf”, ka thënë Beqiri.