VIDEO/ Gjyqtari “turpëron” yllin e Realit, sprint të pabesueshëm nga mesfusha!

Karim Benzema ishte larg formës së tij më të mirë në ndeshjen e fundit ndaj Osasunës në La Liga.

Në fitoren 1:3 të Real Madridit, francezi humbi dy penallti. Portieri i vendasve ka “hipnotizuar” Benzeman dhe ka lexuar goditjet e tij në të dyja rastet.

Megjithatë, edhe pse nuk u regjistrua në listën e golashënuesve, kontribuoi në fitore sepse i shërbeu Alaba në golin e parë, si dhe bëri lëvizje kyçe që çuan në golin e tretë.

Pikërisht me golin e tretë, Benzema u gjend në një sfidë të pazakontë për shkak se ka “garuar” me gjyqtarin e ndeshjes, Ricardo De Burgos Bengoetxe. Benzema pasoi topin dhe filloi të vraponte.

Është interesante që gjyqtari ka vrapuar paralelisht me të. Për habinë e të gjithëve, gjyqtari kryesor i ndeshjes ishte ai që fitoi garën.

Edhe pse gjyqtari ishte pas Benzemas kur pa se si po shkonte aksioni, ai përshpejtoi ndjeshëm ritmin dhe në fund la pas sulmuesin francez.