Një burrë i armatosur me thikë është qëlluar nga policia pasi kërcënoi oficerët në stacionin Gare du Nord në Paris mëngjesin e sotëm.
Sipas mediave të huaja, dy oficerë po patrullonin në platformën kryesore të stacionit rreth orës 7 të mëngjesit kur një burrë që mbante një thikë i kërcënoi ata, tha ministri i brendshëm i Francës.
Të dy oficerët nxorën armët dhe më pas qëlluan disa të shtëna në drejtim të burrit, duke e plagosur atë.
Asnjë nga oficerët nuk u lëndua dhe nuk raportohet për të lënduar në mesin e qytetarëve të pranishëm në stacion.
Burri ishte i njohur për policinë, raporton La Depeche, pa thënë se çfarë precedentësh të mëparshëm kishte. Policia nuk ka thënë se cili ishte motivi i tij, por thotë se terrorizmi nuk duket të jetë shkaku.
“Këtë mëngjes rreth orës 7 të mëngjesit, një patrullë policie u kërcënua nga një individ i armatosur me thikë në transportin publik në rajonin Ile-de-France”, shkroi në Tëitter Ministri i Brendshëm Gerard Darmanin rreth orës 7:40 të mëngjesit me orën lokale.
“Policia përdori armët e saj, duke shmangur kështu çdo rrezik për veten dhe për udhëtarët”.