Sulmuesi shqiptar, Armando Sadiku është rikthyer të jetë protagonist me Las Palmas, ndërsa ka gjetur edhe rrugën e rrjetës në ligën e dytë spanjolle.
Në sfidën që Las Palmas po zhvillon kundër Valadollit, Sadiku arriti të shënonte gol në minutën e 63-të, teksa i dha avantazhin skuadrës së tij.
Ky është goli i parë për sulmuesin elbasanas në kampionat, teksa në 15 ndeshje ka shënuar vetëm një gol, ndërsa në Copa del Rey ka shënuar 2 gola në dy ndeshje.
Një tjetër gol shqiptarë është shënuar edhe nga Qazim Laçi. Futbollisti shqiptar gjeti rrugën e rrjetës në minutën e 47-të duke shënuar një gol të rëndësishëm për skuadrën e tij Ac Ajaccio në Ligue 2 të Francës.
Ky ishte goli i 3 sezonal për Laçin në Francë, ndërsa është edhe një sinjal i mirë për Rejan që e ka ftuar në Kombëtare për dy ndeshjet miqësore ndaj Spanjës dhe Gjeorgjisë.
Një gol që i ka dhënë avantazhin skuadrës së tij përballë Nimes.