Disa prej anëtarëve të Partisë SocialDemokrate në Kosovë kanë qëlluar pasditen e kësaj të marte me një tortë me çokollatë dhe me një vazo me lëngfrutash zëvendëskryeministrin Besnik Bislimi, teksa ky i fundit ka qenë duke u futur në një ndërtesë.
Ky aksion, sipas PSD-së ka të bëjë me kundërshtimin e “Zajednicës”, që sipas tyre tashmë është pranuar nga kryeministri Albin Kurti në takimin e 18 marsit në Ohër.
Pamjet janë publikuar nga vetë kreu i PSD-së, Dardan Molliqaj përmes një postimi në rrjetet sociale, ku krahas videos shkruan: “Tortë e milkshake për ‘Zajednicën’. E gëzofshin këta që e pranuan! Kurse ne, qytetarët e Kosovës, do ta kundërshtojmë atë e të kërkojmë masivisht dorëheqjen e tyre. Prandaj, protestojmë të shtunën, me 25 mars, në orën 14:00”.
