Sot në Gjykatën e Fierit del për masën e sigurisë Altin Kuka, vrasësi i dy vëllezërve në Roskovec , bashkë me dy djemtë e tij Ervis dhe Emaurisio Kuka.
Dosja ndodhet në tavolinën e gjyqtares Gladiola Bregu, ndërsa akuza përfaqësohet nga prokurorja Elona Gixhari, e cila ka kërkuar tre masa me “arrest në burg” për të ndaluarit.
Altin Kuka u vetëdorëzua pasditen e 10 shtatorit në polici, pak pasi kreu krimin e rëndë, ndërsa dy djemtë e tij u arrestuan një ditë më vonë.
RELATED STORIES
49 vjeçari qëlloi për vdekje me breshëri armë vëllezërit Gramoz dhe Lavdimir Kurtaj teksa ata pinin kafe në lokalin e tyre në fshatin Kurjan të Roskovecit, pas përplasjes së djemve të dy familjeve.
Nën akuzë për ngjarjen janë babai 76-vjeçar i autorit të dyshuar, që iu gjetën 3 armë dhe municione pa leje në banesë pas kontrollit dhe një 75-vjeçar tjetër që dyshohet se ka ndihmuar dhe përkrahur autorët.