Një anëtar i ekipit të agjencisë së lajmeve Reuters që mbulon luftën në Ukrainë ka humbur jetën dhe dy gazetarë të tjerë u plagosën në një sulm në një hotel në qytetin lindor të Ukrainës.
Ryan Evans 38 vjeç i cili punonte si këshilltar sigurie në një agjenci u vra të shtunën kur një raketë goditi hotelin Safir ku po qëndronte një ekip prej 6 anëtarësh i Reuters.
Ndërsa dy gazetarët e tjerë të plagosur ndodhen në spital dhe njëri prej tyre është në gjendje të rëndë për jetën.
“Ne po kërkojmë urgjentisht më shumë informacion rreth sulmit, duke përfshirë duke punuar me autoritetet në Kramatorsk dhe ne po mbështesim kolegët tanë dhe familjet e tyre”, tha Reuters.
RELATED STORIES
Evans një ish-ushtar britanik kishte punuar me Reuters që nga viti 2022 dhe këshillonte gazetarët e tij për sigurinë në mbarë botën, duke përfshirë Ukrainën, Izraelin dhe Olimpiadën e Parisit.
Presidenti Volodymyr Zelenskiy tha se hoteli u godit nga një raketë ruse Iskander, një raketë balistike që mund të godasë në distanca deri në 500 km (310 milje).