Presidenti i Serbisë, Aleksandër Vuçiç ka reaguar pas tensioneve në veri të Kosovës, ku u arrestua dhe ish-polici Dejan Pantiç pasi akuzohet se ka organizuar sulmin terrorist në zyret e KKZ-së.
Vuçiç në një konferencë për media tha se Pantiç më parë mbante mbante uniformën e Policisë së Kosovës. Presidenti serb e quajti këtë një akt pa maturi duke thënë se ka folur me ndërkombëtarët dhe u ka treguar për situatën.
“Shërbimet tona e kanë hetuar shumë seriozisht të gjithë rastin. Unë bisedova me partnerët ndërkombëtarë dhe theksova pamaturinë e atyre që kryen një veprim të tillë dhe kërcënuan edhe një herë paqen”, tha Vuçiç gjatë një konference për media.
