“100 euro për përgjigje pozitive”/Gjykata e Lezhës nxjerr nga qelia farmacisten

Farmacistja e arrestuar të enjten nga policia e Lezhës, pasi lëshonte teste Covid të falsifikuara u lirua sot nga qelia!

25-vjeçarja Kritjana Luka u njoh këtë të shtunë me masën e sigurisë në Gjykatën e Lezhës.

Në seancën e zhvilluar me dyer të mbyllura e reja nuk ka folur asnjë fjalë në lidhje me akuzat e ngritura, por ka qenë avokati i cili është shprehur se 25-vjeçarja ka qenë thjesht punonjëse e farmacisë dhe se nuk ishte në dijeni se aty kryheshin teste Covidi fiktive!

RELATED STORIES

Zbardhet skema, si bënin kontrabandë gjigante cigaresh dhëndri i Shefqet Kastratit Dario Jashari me të atin Ilir Jashari , SPAK i shpall organizatë kriminale dhe lëshon 30 urdhër arreste

May 29, 2025

Krushku dhe dhëndri i biznesmenit Shefqet Kastrati skemë gjigante kontrabande cigaresh, Dario dhe Ilir Jashari kapen nga SPAK

May 29, 2025

Pasi dëgjoi palët, Gjykata e cilësoi të ligjshme ndalimin e 25-vjeçares dhe vendosi ndaj saj masën e sigurisë ‘Arrest në shtëpi’, ashtu siç kishte kërkuar prokuroria.

Farmaci ‘Aurora’ prej kohësh ishte kthyer në një laborator inekzistent për kryerjen e tamponëve Covid-19.

Skema e mashtrimit funksiononte kur pacientët dërgonin mjetin e identifikimit dhe përgjigjen që dëshironin. Përgjigjen pozitive e paguanin 100 euro, ndërsa negativen 50 euro.

Dyshohet se në këtë skemë mashtrimi janë përfshirë rreth 500 shtetas shqiptar dhe të huaj.