Pas deklaratave të presidenti Ilir Meta lidhur me protestën e 8 janarit, Partia Demokratike ka ardhur me një tjetër reagim, e cila e konsideron kreun e shtetit si bashkëorganizator në sulmin e Berishës ndaj PD-së.
“Ilir Meta u shfaq sot si bashkëorganizator i dhunës ndaj PD. Ai merrte informacion dhe jepte direktiva për sulmin nga banda e Berishës. Berisha dhe Meta donin ta shkatërronin PD-në për hallin e tyre, por nuk ja dolën”, deklaron PD.
Në një konferencë për media të mbajtur sot Ilir Meta tha se: “Kur të gjithë e kanë të qartë që përdorimi i dhunës nuk është mekanizëm për të marrë pushtetin, po kaq e dënueshëm është përdorimi i dhunës dhe mbajtja e godinave“.
Presidenti publikoi po ashtu sot mesazhet mes tij dhe deputetit Belind Këlliçi, ku kreu i shtetit e porosiste:”Kujdes të mos preket asnjë makinë në oborr se provokim është”.