Të hënën Shkolla Mjekësore e Universitetit të Maryland njoftoi se kirurgët në Shtetet e Bashkuara kanë implantuar zemrën e një derri të modifikuar gjenetikisht në një pacient njerëzor.
Procedura u zhvillua të premten dhe teksa prognoza afatgjatë për pacientin 57-vjeçar David Bennett është ende e pasigurt, mjekët e përshëndetën atë si një moment historik.
Bennett, i cili ishte ende në spital duke u rikuperuar, tha para operacionit: “Ose vdisja ose bëje këtë transplant. Unë dua të jetoj. E di që është një goditje në errësirë, por është zgjedhja ime e fundit.”
“Mezi pres të ngrihem nga shtrati pasi të shërohem,” shtoi ai, pasi ka qenë i shtrirë në shtrat për muaj të tërë dhe i lidhur me një aparat bypass-i të zemrës dhe mushkërive.