Si nëpër filma…”, kështu e konsiderojnë mediat italiane ndjekjen e makinës BMW-së, mëngjesin e kësaj të diele, e cila drejtohej nga një shqiptar 39-vjeçar, i cili tentoi t’i shpëtonte karabinierëve nëpër rrugët e Romës. Ai theu postbllokun e policisë në Vatikan ndërsa karabinierët vijuan ndjekjen e tij.
Pasi ka thyer postbllokun, në përpjekje për të ndaluar shqiptarin, karabinierët qëlluan me pistoletë në drejtim të rrotave të BMW-së, por 39-vjeçari nuk hoqi dorë dhe u nis drejt rrugës “Conciliazione”. Ndjekja e guximshme përfundoi në via Gregorio XII me një makinë policie të vendosur matanë rrugës.
Ai u përplas me policinë ku mbetën të plagosur 2 efektivë, por janë jashtë rrezikut për jetën. Pavarësisht se u ndal, 39-vjeçari mbeti i bllokuar në automjet duke detyruar oficerët të thyenin xhamin e makinës dhe të përdornin një mjet neutralizues për ta ndaluar.
Ende nuk bëhet i ditur identiteti apo arsyeja se përse 39-vjeçari shqiptar do të ndalohej nga policia italiane.