Me tensione të forta mes banorëve dhe policisë ka nisur shembja e shtëpive në zonën e 5 majit. Disa banorë vazhdojnë të qëndrojnë brenda ambienteve të shtëpisë dhe refuzojnë t’i lirojnë banesat e tyre. Ata e kanë kaluar natën jashtë për të mbrojtur shtëpitë dhe për të mos lejuar ndërhyrjen e fadromave të IKMT-së.
Me certifikatë pronësie në duar, banorët e lagjes “5 Maji” në kryeqytet kundërshtojnë me forcë shembjen e banesave të tyre.
Ditën e sotme “5 Maji” është rrethuar me forca të shumta policie që në orët e para të mëngjesit, teksa priten shembje të tjera. Shtëpitë e shembura sot janë ato të Atli dhe Ivzi Hoxhës.
RELATED STORIES
Njëri prej banorëve kishte hipur mbi avllinë e shtëpisë dhe i bëri thirrje kreut të IMT-së, Margilen Qato që mos t’ia prishin shtëpinë.
“O Qato hajde këtu, unë jam një nga familjet e mëdha të Dibrës o Qato,” tha një banor.
“Mbaje mend, do ballafaqohemi, po nuk shkove në burg ti bashkë me Edi Ramën. Ja certifikata e pronësisë, hajde merre. Kam bërë 12 orë punë në Itali, më zinte gjumi në këmbë për të bërë këtë ndërtesë, e di apo jo?” “O kriminelë,” dëgjohet të thërresë një banor tjetër.